შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებს 2026 წლის საზღვაო სეზონზე გაწეული სამსახურისთვის მადლობის სიგელები და სამახსოვრო საჩუქრები გადაეცათ.
სახანძრო-სამაშველო ძალების დეპარტამენტის უფროსის მოადგილემ, ლაშა თვაურმა, სამსახურის ხელმძღვანელ პირებთან ერთად, მეხანძრე-მაშველებს მადლობა გადაუხადა საზღვაო სეზონის განმავლობაში გამოჩენილი პროფესიონალიზმისთვის, თავდადებისა და მოქალაქეთა უსაფრთხოების დაცვაში შეტანილი წვლილისთვის.
