ავტომობილის ქურდობის ბრალდებით, თბილისში 14 წლის ბიჭი დააკავეს
ის წარსულში ავტოსატრანსპორტო საშუალებების გატაცების 30 მდე ფაქტზე იყო მხილებული, მაშინ, როდესაც სამართლებრივი პასუხისმგებლობის ასაკს არ იყო მიღწეული.
შსს-ს ინფორმაციით, ბრალდებული ფარულად, მოქალაქის კუთვნილ „ფორდის“ მარკის ავტომობილს დაეუფლა და შემთხვევის ადგილიდან მიიმალა.
სამართალდამცველებმა არასრულწლოვანი დააკავეს და გატაცებული ავტომობილი ნივთმტკიცებად ამოიღეს.
დანაშაული 7 წლამდე პატიმრობას ითვალისწინებს.
