თელავში კერამიკის სააღდგომო ფესტივალი ჩატარდა
ის ტრადიციულ ხასიათს ატარებს და მიზანი ახალგაზრდებში შემოქმედებითი უნარების განვითარება და კერამიკული ხელოვნების პოპულარიზაციაა.
ღონისძიების ფარგლებში მოეწყო კერამიკული ნამუშევრების გამოფენა-გაყიდვა, ჩატარდა კერამიკის მასტერკლასი და სხვადასხვა ასაკის მოსწავლეებმა სააღდგომო თიხის კვერცხების მოხატვაში მიიღეს მონაწილეობა.
ფესტივალი, რომელშიც 400-მდე ახალგაზრდა იყო ჩართული, თელავის მუნიციპალიტეტის მერიის მხარდაჭერითა და სკოლა-სტუდია „კერას“ ორგანიზებით გაიმართა.
ღონისძიებას მერის პირველი მოადგილე, გიორგი ყარაულაშვილი დაესწრო.
