ცოდნისკარის თემში, სოფლის მხარდაჭერის პროგრამის ფარგლებში, მოსახლეობასთან შეხვედრა გაიმართა
სოფლის საერთო კრებებს, ლაგოდეხის მუნიციპალიტეტის მერის პირველი მოადგილე, ზურაბ კოჭლამაზაშვილი, ადგილობრივ თვითმმართველობის წარმომადგენლებთან ერთად დაესწრო.
სოფლების – ცოდნისკარის, ჩადუნიანისა და წიფლისწყაროს მოქალაქეების ერთობლივი გადაწყვეტილებით, სასაფლაოს ტერიტორიის კეთილმოწყობა განხორციელდება, სოფელ შეერთებაში სანიაღვრე-სარწყავი არხი მოეწყობა, სოფელ დავითიანში მოსაცდელი გაკეთდება, ხოლო სოფელ თელაში არსებული ხელოვნურსაფარიანი მინი სტადიონის კეთილმოწყობა დაიგეგმა.
წელს, ცოდნისკარის თემის სოფლებისთვის, სახელმწიფო ბიუჯეტიდან, ჯამში 82 000 ლარია გამოყოფილი.
