7 ოქტომბრის მონაცემებით – კახეთში გადამუშავებულია 225 ათასამდე ტონა ყურძენი- ღვინის ეროვნული სააგენტო ღვინის საწარმოებს ყურძენი 16 ათასამდე მევენახემ ჩააბარა. მოსავლის დაბინავება კახეთის რეგიონში აქტიურად მიმდინარეობს, ყურძნის გადამუშავების დღე-ღამური მაჩვენებელი 10 ათას ტონას აჭარბებს. რთველი დაიწყო რაჭაშიც: ამბროლაურის მუნიციპალიტეტში, გადამუშავებულია 304 ტონა ყურძენი.
