ერთიანი ნაციონალური მოძრაობა-ს აქტივისტი გიორგი ზედელაშვილი აცხადებს, რომ მის მიმართ მუქარები ხორციელდება და ამის მიზეზად საკუთარ პოლიტიკურ საქმიანობას ასახელებს.
ზედელაშვილის თქმით, ის ბოლო პერიოდში აქტიურად მონაწილეობს საპრეზიდენტო არჩევნების კამპანიაში სიღნაღის მუნიციპალიტეტის სოფელ ჯუგაანსა და ბოდბეში, სადაც მოსახლეობასთან შეხვედრებს მართავს და პარტიის კანდიდატის მხარდასაჭერად მუშაობს.
მისივე განცხადებით, რამდენიმე დღის წინ მას ტელეფონით დაუკავშირდნენ და ურჩიეს, შეეწყვიტა პოლიტიკური საქმიანობა.
„მითხრეს, რომ თუ ხალხთან შეხვედრებს და აგიტაციას არ შევწყვეტდი, სიღნაღში გაჩერება გამიჭირდებოდა,“ — აცხადებს გიორგი ზედელაშვილი.
ზედელაშვილი აღნიშნავს, რომ მუქარას მის პოლიტიკურ შეხედულებებს უკავშირებს და ამბობს, რომ მიუხედავად ზეწოლისა, საქმიანობის შეწყვეტას არ აპირებს.
„მე არავის ვემალები და ჩემი პოზიციის გამოხატვას ყოველთვის გავაგრძელებ,“ — ამბობს იგი.
მომხდართან დაკავშირებით ოფიციალური გამოძიება ამ ეტაპზე არ დაწყებულა.
ადგილობრივების ნაწილი ამბობს, რომ წინასაარჩევნო პერიოდში რეგიონში პოლიტიკური დაძაბულობა გაზრდილია.
