გურჯაანი – თბილისის მიმართულებით მგზავრობის საფასური 10-დან 15 ლარამდე გაიზარდა
ცვლილება უკვე ამოქმედებულია და მგზავრების ნაწილი გაძვირებას სოციალურ ქსელებში ეხმაურება.
მოქალაქეები წერენ, რომ ფასის ზრდა მათთვის დამატებითი ფინანსური ტვირთია, განსაკუთრებით იმ ფონზე, როცა ზოგადი ფასების ზრდა ყოველდღიურ ცხოვრებაზე ისედაც აისახება.
მათი თქმით, ტრანსპორტის გაძვირება პირდაპირ ეხება როგორც სტუდენტებს, ისე ყოველდღიურ მგზავრებს, რომლებიც ამ მარშრუტს რეგულარულად იყენებენ.
მომხმარებლების ერთი ნაწილის შეფასებით, არსებული მდგომარეობა დაკავშირებულია საწვავის გაზრდილ ფასთან და პარალელურად ყურადღებას ამახვილებენ მომსახურების ხარისხსა და უსაფრთხოების საკითხებზე.
ფასის ცვლილებასთან დაკავშირებით ოფიციალური განმარტება არ გაკეთებულა.
