2026-2027 სასწავლო წელს საგამონაკლისო წესით, ერთჯერადად, პირველ კლასში დარეგისტრირების შესაძლებლობა მიეცემათ ბავშვებს, რომლებსაც 31 დეკემბრის ჩათვლით, 6 წელი უსრულდებათ
როგორც განათლების მინისტრმა, გივი მიქანაძემ აღნიშნა, გადაწყვეტილება მშობელთა ინტერესების გათვალიწინებით მიიღეს.
„-მშობელთა უმეტესობა უკვე აწარმოებდა მოლაპარაკებებს სკოლებთან და ბავშვებს ამზადებენ პირველი კლასისთვის. აქედან გამომდინარე, ჩვენ პრიორიტეტად დავაყენეთ მშობელთა საუკეთესო ინტერესები.“- თქვა მინისტრმა.
მიქანაძის თქმით, ცვლილება განპირობებულია საერთაშორისო პრაქტიკით, რომელიც ითვალისწინებს ბავშვის სოციალურ-ემოციურ მზაობას და მინიმალურ კომპეტენციებს, საჭირო უნარების განვითარებისთვის.
