თელავის ვიცე მერი თბილისის გიგანტური საათის იდეის ავტორია

ბევრმა  ალბათ არც იცის, თბილისის სავიზიტო ბარათად ქცეული გიგანტური საათის ავტორის ვინაობა.

4 წლის წინ ეშამკის ბორბალის სახე ატრაქციონზე ულამაზესმა საათმა შეცვალა.

2018 წელს პროექტის „შენი იდეა ქალაქის მერს“ ფარგლებში რამდენიმე შეთავაზება განიხილებოდა, მათ შორის იყო  გიგანტურ ბორბალზე საათის დამონტაჟების იდეა.

გიგანტური საათის იდეის ავტორი, ნიკოლოზ მეტრეველი,  დღეს უკვე თელავის მერის პირველი მოადგილეა. და როგორც თავად ამბობს თელავში მუშაობა არა მარტო დიდი პატივი, არამედ უდიდესი პასუხისმგებლობაა.

„ჩემი გადაწყვეტილება, რომ თელავისთვის მემუშავა  არის ჩემი ცხოვრების განსაკუთრებული ეტაპი. ჩემი  ერთ ერთი ყველაზე სასიამოვნო და საპასუხისმგებლო  საქმე  თელავზე ზრუნვაა. არაფერს დავიშურებ იმისთვის რომ ყველა თელაველთან პირნათელი ვიყო. “