“სოფლის მხარდაჭერის პროგრამის” ფარგლებში, ყვარლის მუნიციპალიტეტის მერმა ილია მზექალაშვილმა, საკრებულოს თავმჯდომარემ ზურაბ ჩხეიძემ მუნიციპალიტეტის სოფლების: შილდის, ენისლის, საბუისა და გრემის მოსახლეობასთან საკონსულტაციო შეხვედრები გამართეს.
შეხვედრებზე მოსახლეობამ პრიორიტეტულ საპროექტო წინადადებებად დაასახელა სოფელ შილდაში – სპორტული ინფრასტრუქტურის მოწყობა და გარე განათების ქსელის რეაბილიტაცია, სოფელ ენისელში – გარე განათების ქსელის რეაბილიტაცია და სასაფლაოს შემოღობვა, სოფელ საბუეში საბავშვო ბაღის ეზოს კეთილმოწყობა და სანიაღვრე არხების რეაბილიტაცია, ხოლო სოფელ გრემში – სასაფლაოს შემოღობვა და გარე განათების ქსელის რეაბილიტაცია.
მოსახლეობასთან შეხვედრებს ყვარლის მუნიციპალიტეტის მერისა და საკრებულოს თავმჯდომარის მოადგილეები, საკრებულოს მაჟორიტარი წევრები და ადგილობრივი თვითმმართველობის წარმომადგენლები ესწრებოდნენ.
