“სოფლის მხარდაჭერის პროგრამის” ფარგლებში, ყვარლის მუნიციპალიტეტის მერმა ილია მზექალაშვილმა, საკრებულოს თავმჯდომარემ ზურაბ ჩხეიძემ ჭიკაანის, გავაზისა და სანავარდოს მოსახლეობასთან საკონსულტაციო შეხვედრები გამართეს.
მოსახლეობამ პრიორიტეტულ საპროექტო წინადადებებად, სოფელ ჭიკაანში – არსებული სკვერის კეთილმოწყობა, სანიაღვრე არხების მოწესრიგება და სასაფლაოს შემოღობვა დაასახელა.
სოფელ გავაზში – სკვერის მოწყობასა და პოლიკლინიკის ეზოს კეთილმოწყობას, ხოლო სოფელ სანავარდოში – გარე განათების ქსელის მოწყობა-რეაბილიტაციასა და არსებული სპორტული მოედნის კეთილმოწყობას მოითხოვენ.
მოსახლეობასთან შეხვედრებს ყვარლის მუნიციპალიტეტის მერისა და საკრებულოს თავმჯდომარის მოადგილეები, საკრებულოს მაჟორიტარი წევრები და ადგილობრივი თვითმმართველობის წარმომადგენლები ესწრებოდნენ.
