“სოფლის მხარდაჭერის პროგრამის” ფარგლებში, ყვარლის მუნიციპალიტეტის მერმა ილია მზექალაშვილმა, საკრებულოს თავმჯდომარემ ზურაბ ჩხეიძემ მთისძირის, ბალღოჯიანისა და ახალსოფლის მოსახლეობასთან საკონსულტაციო შეხვედრები გამართეს
შეხვედრებზე მოსახლეობამ პრიორიტეტულ საპროექტო წინადადებებად დაასახელა- სოფელ მთისძირში ცენტრალური გზის რეაბილიტაცია და სკვერის მოწყობა, სოფელ ბალღოჯიანში – მინი სპორტული მოედნის მოწყობა და სავარგულებთან მისასვლელი გზების მოხრეშვა, ხოლო სოფელ ახალსოფელში #2 საჯარო სკოლის მიმდებარე ტერიტორიის კეთილმოწყობა და სტადიონის მიმდებარედ სპორტული ინფრასტრუქტურის მოწესრიგება.
მოსახლეობასთან შეხვედრებს ადგილობრივი თვითმმართველობის წარმომადგენლები ესწრებოდნენ.
