საქართველოს პასპორტი საერთაშორისო რეიტინგით 33-ე ადგილზეა
გლობალური პასპორტის სიძლიერით 2026 წლის რეიტინგში, ქვეყანა ისტორიულ მაქსიმუმს აღწევს.
2012 წელს ქართული პასპორტი 73-ე ადგილზე იყო, რაც იმას ნიშნავს, რომ იმ დროისათვის ბევრ ქვეყანაში შესასვლელად ვიზა იყო საჭირო.
ახლა კი ქართველი მოქალაქეები ბევრ ქვეყანაში ვიზის გარეშე, ან მარტივი რეგისტრაციით შესვლას შეძლებენ.
ინფორმაციას საქართველოს მთავრობა ავრცელებს და ამით აცხადებს, რომ ეს არის დიპლომატიური წინსვლა საერთაშორისო ურთიერთობებში, რაც ხელს შეუწყობს ტურიზმის, ბიზნესისა და ინვესტიციების გაღრმავებას.
