გურჯაანის მუნიციპალიტეტის მერი გიორგი მაჭავარიანი, იტალიის ქალაქ ტრევიზოს ძიუდოს საერთაშორისო ტურნირის გამარჯვებულებს შეხვდა და მიღწეული წარმატება მიულოცა.
მერმა შეხვედრისას აღნიშნა, რომ გამარჯვებულებს მერია ზამთრის სამწვრთნელო-სასწავლო შეკრებით დაასაჩუქრებს.
ტრევიზოს ძიუდოს საერთაშორისო ტურნირზე წარმატებას 8 გურჯაანელმა სპორტსმენმა მიაღწია.
ტურნირის ჩემპიონები და ოქროს მედალოსნები გახდნენ: გიორგი ქაჩლიშვილი (38 კგ), ცოტნე გელაშვილი (81 კგ) და გიორგი კახაბერი (+81კგ).
ვერცხლის მედლები მოიპოვეს: გიორგი აბაშიძემ (42 კგ), გიორგი კენჭიაშვილმა (50 კგ) და გიორგი დალაქიშვილმა (55 კგ).
ბრინჯაოს მედლების მფლობელები გახდნენ: ნიკოლოზ ფოცხვერაშვილი (46 კგ) და ვანო მოსულიშვილი (60 კგ).
