ახმეტის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის ორგანიზებით, ახმეტის კულტურის სახლში ინტელექტუალური თამაში – „რა? სად? როდის?“ გაიმართა.
სასკოლო ტურნირში მონაწილეობდა 7 საჯარო სკოლის გუნდი. გამარჯვება მოიპოვა ახმეტის N2 საჯარო სკოლის გუნდმა „ინდიგო“, მეორე ადგილი დაიკავა ახმეტის N1 საჯარო სკოლის გუნდმა „1121“, ხოლო მესამე ადგილზე გავიდა ზემო ალვანის N2 საჯარო სკოლის გუნდი „პირიქითი“.
ნომინაციაში „საუკეთესო მოაზროვნე“ პრიზი ნინი მაზიაშვილს გადაეცა.
ღონისძიების მიზანია ახმეტის მუნიციპალიტეტში ახალგაზრდა თაობის ინტელექტუალური უნარების განვითარება და მოზარდთა ჩართულობის ზრდა.
