გურჯაანის მუნიციპალიტეტის მერმა გიორგი მაჭავარიანმა გურჯაანის კულტურის ცენტრში ხელოვნების საერთაშორისო ფესტივალი გახსნა.
ფესტივალი სამი დღის განმავლობაში გაგრძელდება და იგი საქართველოს კულტურის სამინისტროს, სსიპ „შემოქმედებითი საქართველოს“, გურჯაანის მუნიციპალიტეტის მერიისა და გურჯაანის კულტურის ცენტრის მხარდაჭერით ხორციელდება.
პირველი დღე ადგილობრივი ფოლკლორული ანსამბლების კონცერტსა და თოჯინების თეატრის წარმოდგენას დაეთმო. ფესტივალის სამხატვრო და მუსიკალური ხელმძღვანელია მაესტრო ნიკა ნიკვაშვილი. ღონისძიებაში მონაწილეობენ მსოფლიოს წამყვანი სოლისტები, ანსამბლები და ბენდები.
დაგეგმილი ფესტივალის მიზანია საქართველოს კულტურული მემკვიდრეობის პოპულარიზაცია, კახეთის რეგიონის ტურიზმის პოტენციალის გაძლიერება და ადგილობრივი შემოქმედებითი ჯგუფების მხარდაჭერა.
