ყვარლის მუნიციპალიტეტის მერიაში ადგილობრივი მეწარმეებისთვის საინფორმაციო შეხვედრა გაიმართა. ღონისძიება სსიპ „აწარმოე საქართველოში“ კახეთის რეგიონის საკონსულტაციო ცენტრის წარმომადგენლებმა – ბიზნეს კონსულტანტებმა ქეთევან მიქაძემ და ლანა კბილაშვილმა წარუძღვინეს.
კონსულტანტებმა დამსწრე საზოგადოებას ცენტრის საქმიანობის მიმართულებები, სერვისები და შესაძლებლობები გააცნეს. მათი ინფორმაციით, საკონსულტაციო ცენტრის მეშვეობით რეგიონის მეწარმეებს შესაძლებლობა აქვთ ბიზნესუნარების განვითარებისა და კონსულტაციებზე 95%-მდე თანადაფინანსების მიღების. ჰაბი ასევე უზრუნველყოფს ქვეყანაში მოქმედი სხვადასხვა პროგრამისა და პროექტის შესახებ ინფორმაციის მიწოდებას.
შეხვედრაზე ყურადღება გამახვილდა სექტორულ შეხვედრებზე, რომლებიც მეწარმეებს გამოცდილების გაზიარებასა და არსებული გამოწვევების განხილვაში დაეხმარება.
მუნიციპალიტეტში გამართულ შეხვედრაზე ასევე განიხილეს მიკრომეწარმეობის მხარდაჭერის სახელმწიფო პროგრამაც.
