ლაგოდეხის მუნიციპალიტეტში 2026 წლის ბიუჯეტის პროექტის საჯარო განხილვა დღეს გაიმართა. შეხვედრაში მონაწილეობდნენ მუნიციპალიტეტის მერი ჯონდო მდივნიშვილი, საკრებულოს თავმჯდომარე კახა ჯამბურია, ადგილობრივი თვითმმართველობისა და საზოგადოების წარმომადგენლები.
მომავალი წლის ბიუჯეტის მოცულობა 27 417 900 ლარია. დოკუმენტი კვლავ ყურადღებას ამახვილებს სოციალურ სფეროზე, ჯანდაცვასა და განათლებაზე, კულტურასა და სპორტის განვითარებაზე, ინფრასტრუქტურაზე, დასუფთავების მიმართულებასა და გარემოს დაცვის უზრუნველყოფაზე.
ბიუჯეტის ძირითადი პარამეტრები საზოგადოებას მერიის საფინანსო სამსახურის უფროსმა გიორგი მანგოშვილმა წარუდგინა.
2026 წლის ბიუჯეტის პროექტს წარმომადგენლობითი ორგანო დეკემბრის ბოლოს განიხილავს და გადაწყდება მისი საბოლოო დამტკიცების საკითხი.
