ახალგაზრდას წარსულში ნასამართლევმა, 51 წლის კაცმა ცივი იარაღის გამოყენებით, ჭრილობა გულ-მკერდის არეში მიაყენა და შემთხვევის ადგილიდან მიიმალა.
არსებული ინფორმაციით, მხარეებს შორის კონფლიქტი ყოფით ნიადაგზე დაიწყო.
დაშავებული 112-ის ბრიგადამ საავადმყოფოში გადაიყვანა, სადაც შესაბამისი სამედიცინო დახმარება გაეწია.
გურჯაანის რაიონული სამმართველოს თანამშრომლებმა ბრალდებული პირი ცხელ კვალზე დააკავეს. პოლიციამ დანაშაულის იარაღი, დანა ნივთმტკიცებად ამოიღო.
საქმეზე გამოძიება 19-108-ე მუხლით დაიწყო, რაც განზრახ მკვლელობის მცდელობას გულისხმობს და 15 წლამდე თავისუფლების აღკვეთას ითვალისწინებს.
