გურჯაანის მუნიციპალიტეტის სოფელ ბაკურციხეში შიდა საუბნო გზის რეაბილიტაცია აქტიურად მიმდინარეობს. სამუშაოები ადგილობრივი ბიუჯეტიდან ფინანსდება და მისი ღირებულება 539 ათას ლარამდეა. პროექტის ფარგლებში, გათვალისწინებულია 1500 მეტრი სიგრძის მონაკვეთზე ასფალტის საფარი დაგება და სანიაღვრე არხების მოწყობა. სამუშაოებს კახეთის მხარეში სახელმწიფო რწმუნებული, გიორგი ალადაშვილი, მუნიციპალიტეტის მერი გიორგი მაჭავარიანი და საკრებულოს თავმჯდომარე ვანო ბერიძიშვილი გაეცნენ.
