13 ნოემბერს საქართველოს მართლმადიდებელი ეკლესია 100 ათასი მოწამის ხსენებას აღნიშნავს.
მეცამეტე საუკუნის დასაწყისში თბილისის დამპყრობელმა ხვარაზმელმა ჯალათებმა მეტეხის ხიდზე ხატები განალაგეს და ტყვედ აყვანილ ქართველებს ფეხის დაბიჯება უბრძანეს, სანაცვლოდ კი სიცოცხლის შენარჩუნებას დაჰპირდნენ, თუმცა 100 000-მა ადამიანმა, სარწმუნოების შეცვლასა და ქრისტიანული სიწმინდეების შეურაცხყოფაზე უარი თქვა, რის შემდეგაც მათ თავები მოკვეთეს და მტკვარში გადაყარეს.
საქართველოს მართლმადიდებელმა ეკლესიამ 100 ათასივე გმირი წმინდანად შერაცხა.
