პროკურატურამ ცხოველისადმი სასტიკი მოპყრობის ორ ეპიზოდზე, რამაც მათი დაღუპვა გამოიწვია, ერთ პირს ბრალდება წარუდგინა.
გამოძიებით დადგინდა, რომ ქალაქ ყვარელში 31 ოქტომბერსა და 1 ნოემბერს ბრალდებულმა ორი ძაღლი განსაკუთრებული სისასტიკით მოკლა.
კაცს სისხლის სამართლის კოდექსის 259-ე მუხლის მესამე ნაწილით ჩადენილ დანაშაულში სდებენ ბრალს.
პროკურატურა ბრალდებულისთვის პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს.
