სკოლისა და საბავშვო ბაღების მოსწავლეებმა საშემოდგომო კუთხეები და ხელნაკეთი ნამუშევრები წარმოადგინეს.
ადგილობრივმა მეწარმეებმა კი ნამუშევრების გამოფენა-გაყიდვა მოაწყვეს.
სტუმრებს შესაძლებლობა ჰქონდათ, დაეგემოვნებინათ ტრადიციული კერძები და სოფლის ღვინოები.
საღამო კონცერტით დასრულდა, ჯგუფი 1/4 & ლინდა ადამიასა და ადგილობრივი შემოქმედებითი ჯგუფების მონაწილეობით.
დღესასწაულს ესწრებოდნენ ლაგოდეხის მუნიციპალიტეტის საკრებულოს თავმჯდომარე კახა ჯამბურია, საქართველოს პარლამენტის წევრი გურამ მაჭარაშვილი, მუნიციპალიტეტის მერი ჯონდო მდივნიშვილი და თვითმმართველობის სხვა წარმომადგენლები.
