2026 წელს სრულდება ქართველთა განმანათლებლის, წმიდა ნინოს მიერ საქართველოს გაქრისტიანების 1700 წლისთავი.
ჭიათურისა და საჩხერის მიტროპოლიტის – დანიელის ინიციატივით, ამ ღირსშესანიშნავ თარიღთან დაკავშირებით მეცნიერებმა და კულტურის მოღვაწეებმა დაიწყეს ღონისძიებების ციკლი – „ის, რაც გვაერთიანებს“. პროექტი აკურთხა საქართველოს კათოლიკოს პატრიარქმა , უწმინდესმა და უნეტარესმა- ილია მეორემ.
დღეს, 16:00-ზე ყვარლის იოანე ნათლისმცემლის შობის ტაძრის წინამძღვრის – მღვდელი გიორგი გაფრინდაშვილის ხელმძღვანელობით,
კოტე მარჯანიშვილის სახალხო თეატრში ჩატარდა ლექცია თემებზე :
1. “წმიდა ნინო და ქრისტიანობის სახელმწიფო რელიგიად გამოცხადება” . მომხსენებელი – ისტორიის დოქტორი,პროფესორი გიორგი ჭეიშვილი .
2. „ქართველთა ეთნოგენეზი“. მომხსენებელი – ისტორიის დოქტორი, პროფესორი ვალერი ვაშაკიძე .
ღონისძიებას დაესწრო ნეკრესის ეპარქიის სამღვდელოება, მრევლი და ყვარლის საზოგადოება, რომელთა შორის , კულტურის განვითარების ცენტრის დირექტორი – მაია ზარდიაშვილიც იმყოფებოდა.
