ყვარელში წყალმომარაგება-წყალარინების სისტემების მშენებლობა მიმდინარეობს
საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია- ქალაქ ყვარელში წყალმომარაგება-წყალარინების სისტემების მშენებლობას ახორციელებს.
მიმდინარე სამუშაოებს გაერთიანებული წყალმომარაგების კომპანიის დირექტორი ალექსანდრე თევდორაძე, მისი მოადგილე, აკაკი მშვიდობაძე, კახეთის მხარეში სახელმწიფო რწმუნებული, გიორგი ალადაშვილი, ყვარლის მუნიციპალიტეტის მერი, გივი ზაუტაშვილი და კონტრაქტორი კომპანიის წარმომადგენლები ადგილზე გაეცნენ.
პროექტის ფარგლებში მოხდება- წყალმომარაგების და წყალარინების ქსელის მშენებლობა, ახალი ჭაბურღილებისა და რეზერვუარების მოწყობა, პროექტის მიხედვით, ადგილზე მოეწყობა საფილტრი სადგური, სატუმბი სადგური და საქლორატოროები.
სამუშაოებს კონტრაქტორი კომპანია „სს ფოლათ იოლ იაფი სანაიი ვე თიჯარეთ“ ახორციელებს.
დღეის მდგომარეობით, აღნიშნული სამუშაოების 70% უკვე შესრულებულია. პროექტის დასრულება 2024 წლის ბოლოს იგეგმება, რის შედეგადაც, ქ. ყვარლის მოსახლეობა 24 საათიანი, სტანდარტების შესაბამისი წყალმომარაგებით იქნება უზრუნველყოფილი.
ცნობისთვის, ქალაქ ყვარელში ასევე, მიმდინარეობს პროექტი, რომელიც წყალარინების გამწმენდი ნაგებობობის პროექტირება-მშენებლობას გულისხმობს.
პროექტს საქართველოს მთავრობის დაფინანსებით ჯამურად, 51 მლნ. ლარი მოხმარდება.
