თელავში „არტ თამაშები“ გაიმართა

თელავის მუნიციპალიტეტის მერიის ორგანიზებით, თელავის №4 საჯარო სკოლამ საპილოტე, ინტელექტუალურ თამაშს სახელწოდებით „არტ თამაშები“ უმასპინძლა.

თამაში, რომელშიც №4 საჯარო სკოლის ექვსი გუნდი მონაწილეობდა, ორ ეტაპად წარიმართა. პირველი ეტაპი მოიცავდა ინტელექტუალურ შეკითხვებს ხელოვნების სფეროდან, ხოლო მეორე ეტაპი კი მუსიკალურ ვიქტორინას.

გამარჯვება მოიპოვა გუნდმა „,ქლეი“ (19 ქულა), მეორე ადგილის მფლობელი გახდა გუნდი „10/10“ (14 ქულა), ხოლო მესამე საპრიზო ადგილი წილად ხვდა ჯგუფს „ვაშლი (10 ქულა)“.

გამარჯვებულ გუნდებს სერტიფიკატები და სიმბოლური საჩუქრები გადაეცათ. სამომავლოდ თამაშის მონაწილე სკოლების რაოდენობის გაზრდა იგეგმება.