დღის ამბები

ადამიანის ორგანოთა გადანერგვის შესახებ კანონმდებლობა დაიხვეწება

ადამიანის ორგანოთა გადანერგვის შესახებ კანონმდებლობა დაიხვეწება

მიმდინარე საგაზაფხულო სესიაზე პარლამენტი „ადამიანის ქსოვილებისა და უჯრედების გამოყენების შესახებ“ და „ადამიანის ორგანოთა გადანერგვის შესახებ“ ახალ კანონპროექტებზე იმსჯელებს. ამის შესახებ მთავრობის კანონშემოქმედებითი საქმიანობის მოკლევადიან გეგმაში წერია.

საკანონმდებლო ცვლილებების მიზანია ადამიანის მიმართ გამოყენებისათვის განკუთვნილი ადამიანის ქსოვილებისა და უჯრედების ხარისხისა და უსაფრთხოების დაცვის უზრუნველყოფა და შესაბამისი სტანდარტების დადგენა.

გარდა ამისა, „ადამიანის ორგანოთა გადანერგვის შესახებ“ კანონპროექტი ითვალისწინებს საინფორმაციო ბაზების შექმნას ორგანოთა გადანერგვის მომლოდინე პირების, პოტენციური დონორებისა და ორგანოების ეფექტური მიკვლევადობისთვის; აწესრიგებს ტრანსპლანტაციის ლიცენზიის მქონე დაწესებულებების საქმიანობას და მოვალეობებს. მოჰყავს ტრანსპლანტაციის პროცესის ყველა ასპექტი ევროდირექტივებთან შესაბამისობაში.

აღნიშნული საკანონმდებლო ცვლილებები გათვალისწინებულია საქართველო-ევროკავშირის ასოცირების შეთანხმებით.

მეტი

მსგავსი სიახლეები

Close