საქართველოს საფეხმავლო ბილიკების შესახებ ინფორმაცია ქართულ მობილურ აპლიკაციებში იქნება ხელმისაწვდომი

საერთაშორისო სათავგადასავლო პლატფორმა Wikiloc-ის შემდეგ, ტურიზმის ეროვნული ადმინისტრაციის მონიშნული საფეხმავლო ბილიკები, ქართულ მობილურ აპლიკაციაზე „Biliki ბილიკი“ იქნება ხელმისაწვდომი.

ტურიზმის ეროვნული ადმინისტრაციის ინფორმაციით, ამ ეტაპზე აპლიკაციაში ბილიკების ნაწილია ჩატვირთული და ეტაპობრივად განახლდება.

„აპლიკაცია მოგზაურებს საქართველოს საფეხმავლო ბილიკების შესახებ ინფორმაციას აწვდის: ბილიკის GPS ტრეკს, რუკას, აღწერას და ფოტო სურათებს, რომელიც დაეხმარება მოლაშქრეებს დაგეგმონ, აირჩიონ და მიიღონ მაქსიმალური ინფორმაცია მოცემული საფეხმავლო ბილიკების შესახებ.

ბილიკების გამოყენება ოფლაინ რეჟიმშიცაა შესაძლებელია. iOS: https://apple.co/3QBteTf Android: https://bit.ly/3eHCBn7“, – ნათქვამია გავრცელებულ ინფორმაციაში.