სამართალი

ყალბი საგადასახდო დოკუმენტების დამზადება-გამოყენების და სხვისი ქონების მოტყუებით დაუფლების ფაქტებზე ერთი პირი პასუხისგებაში მისცეს

ყალბი საგადასახდო დოკუმენტების დამზადება-გამოყენების და სხვისი ქონების მოტყუებით დაუფლების ფაქტებზე ერთი პირი პასუხისგებაში მისცეს

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი საგადასახადო დოკუმენტების დამზადება-გამოყენების, დიდი ოდენობით ქონებრივი დაზიანების, სხვისი ქონების მოტყუებით დაუფლებისა და მოჩვენებითი გარიგებით ქონების გადამალვის ფაქტებზე, ბრალდებულის სახით პასუხისგებაში ერთი პირი მისცეს. ინფორმაციას ფინანსთა სამინისტროს საგამოძიებო სამსახური ავრცელებს.

უწყების ინფორმაციით, გამოძიებით დადგინდა, რომ ბრალდებულმა, მისი მართვის ქვეშ მყოფი კომპანიების სახელით, დაამზადა ყალბი საგადასახადო დოკუმენტები, კომპანიებს შორის თითქოსდა განხორციელებული საქონლის მიწოდების თაობაზე, რა გზითაც ჯამში შეიქმნა და შემდგომში გამოიყენა 65 516 ლარის ოდენობის დღგ-ს ყალბი აქტივი.

„მიმდინარე საგადასახადო ვალდებულებებისათვის თავის არიდების მიზნით, კომპანიის საკუთრებაში არსებული ჯამში 168 851 ლარის ღირებულების ქონება, მოჩვენებითი გარიგებით, ფიქტიურად გადააფორმა მისი მართვის ქვეშ მყოფი მეორე კომპანიის სახელზე.

გამოძიება მიმდინარეობს საქართველოს სისხლის სამართლის კოდექსის 210-ე, 180-ე, 185-ე და 205 პრიმა მუხლებით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით“,-აღნიშნულია ინფორმაციაში.

 

მეტი

მსგავსი სიახლეები

Close