ქვეყნები, საიდანაც ყველაზე მეტი უნებართვოდ მცხოვრები საქართველოს მოქალაქე დააბრუნეს წელს

შინაგან საქმეთა სამინისტრომ რეადმისიის ფარგლებში უნებართვოდ მცხოვრები საქართველოს მოქალაქეების უკან დაბრუნების 2022 წლის მე-2 კვარტალის სტატისტიკა გამოაქვეყნა. როგორც ოფიციალური მონაცემებიდან ირკვევა, საანგარიშო პერიოდში ჯამში საქართველოს 692 მოქალაქის რეადმისია განხორციელდა.

კერძოდ, შინაგან საქმეთა სამინისტროს მიერ გამოქვეყნებული მონაცემების თანახმად, 2022 წლის მე-2 კვარტალში საქართველომ სულ 692 რეადმისიის განაცხადი მიიღო. აქედან 686 განაცხადი – დააკმაყოფილა, ხოლო 6-ზე – უარყოფითი გადაწყვეტილება მიიღო.

რეადმისიის ფარგლებში უნებართვოდ მცხოვრები საქართველოს ყველაზე მეტი – 328 მოქალაქე გერმანიიდან დააბრუნეს, საფრანგეთიდან -143; ბელგიიდან – 35; საბერძნეთიდან, ჰოლანდიიდან, პოლონეთიდან – 24. ხოლო შვეიცარიიდან და დანიიდან -22. სხვა ქვეყნებიდან კი მათი რაოდენობა კიდევ უფრო მცირეა.

სხვა ქვეყნების სტატისტიკა ასეთია:

ესპანეთი – 11;

შვედეთი – 14;

ავსტრია – 10;

იტალია – 14;

პორტუგალია – 4;

ფინეთი – 2;

კვიპროსი – 5;

ჩეხეთი – 3;

ნორვეგია – 1.

ცნობისთვის, საქართველოს რეადმისიის შეთანხმებები გაფორმებული აქვს ევროკავშირთან, დანიასთან, ნორვეგიასთან, მოლდოვასთან და ა.შ.