მთლიანი საპენსიო აქტივების ღირებულება 2.52 მილიარდი ლარია

საპენსიო სააგენტოს ინფორმაციით, 2022 წლის 9 აგვისტოს მდგომარეობით მთლიანი საპენსიო აქტივების ღირებულება 2.52 მილიარდი ლარია.

მათივე ცნობით, ამონაგები, საპენსიო სქემის ამოქმედებიდან დღემდე 345 მილიონ ლარს შეადგენს.

„საპენსიო სქემაში გაწევრიანებულ მონაწილეთა რაოდენობა 1 მილიონ 301 ათასი ადამიანია. დღეისათვის, პენსია 2267 პირზე გაიცა და გაცემულმა თანხამ შეადგინა 5 072 564.85 ლარი“,- აღნიშნულია გავრცელებულ ინფორმაციაში.