Daily Archives: 17/02/2020

სოფელ კისისხევში მსუბუქი ავტომობილი დაიწვა

თელავის მუნიციპალიტეტის სოფელ კისისხევში, მერსედესის მარკის მსუბუქს ავტომობილს, რომელიც გურჯაანის მიმართულებით გადაადგილდებოდა, ცეცხლი გაუჩნდა.

ავტომობილის მძღოლმა აალებული ავტომანქანიდან გადასვლა მოასწრო.

მისი ინფორმაციით, მანქანა ტექნიკურად გამართული იყო და ის მოულოდნელად აალდა.

ხანძრის შედეგად, მერსედესის მარკის ავტომანქანა მთლიანად დაიწვა.

თელავის ქორეოგრაფიული ანსამბლი ამერიკის შეერთებულ შტატებში დაგემილ მსოფლიო ჩემპიონატში მონაწილეობას ვეღარ მიიღებს

საქართველოში ამერიკის შეერთებული შტატების საელჩომ თელავის ქორეოგრაფიულ ანსამბლ “მუხამბაზს”, ჰოლივუდში დაგეგმილ მსოფლიო ჩემპიონატზე მონაწილეობის მისაღებად, ვიზის გაცემაზე უარი უთხრა.

ანსამბლის სამხატვრო ხელმძღვანელის, ლელა ხუციშვილის ინფორმაციით, საელჩოს მხრიდან უარის მიზეზი, გაურკვეველია.

,,წარმოდგენა არ გვაქვს, რატომ გვითხრეს უარი. ჩვენ უკვე ნომრებს ვამზადებდით. ამხელა შრომა გავწიეთ, შესარჩევ ტურში გავიმარჯვეთ და ასეთი დარტყმა მივიღეთ უცბად. ქვეყნისთვის რამდენად მნიშვნელოვანია, ჩვენი კულტურის პოპულარიზაციის შესაძლებლობა. მე, პირადად, ოთხ ამერიკელ ოჯახთან ვმეგობრობ და ამერიკის კონსულმა “საუკეთესო მასპინძლის” წოდებითაც კი დამაჯილდოვა. ყველა სახელმწიფო უწყებას მივმართავ, დაგვეხმარონ “.- განაცხადა ხუციშვილმა.

სმენის და მეტყველების პრობლემის მქონე ბავშვთა მშობლებს, სახალხო დამცველის აპარატის წარმომადგენლები შეხვდნენ

საქართველოს სახალხო დამცველის აპარატის, შშმ პირთა უფლებების დაცვის დეპარტამენტის თანამშრომლები, თელავში , სმენის და მეტყველების პრობლემის მქონე ბავშვთა მშობლებს შეხვდნენ. შეხვედრაზე საუბარი  საქართველოს სახალხო დამცველის მანდატზე, სმენის პრობლემის მქონე პირებთან დაკავშირებით იყო. მშობლემა დასვეს პრობლემური საკითხები და საინიციატივო წინადადებებითაც მიმართეს უწყების წარმომადგენლებს.