Daily Archives: 03/02/2020

რა სახის დახმარებით სარგებლობა შეუძლიათ, თელავის მუნიციპალიტეტში მცხოვრებ, ონკოლოგიური დაავადების მქონე პირებს?

ქვეპროგრამა ითვალისწინებს ონკოლოგიურ (ავთვისებიანი სიმსივნე) პაციენტთა სამედიცინო მომსახურების ან/და მკურნალობისათვის საჭირო მედიკამენტებისდაფინანსებას. სარგებლობა შეუძლიათ ონკოლოგიური დაავადების მქონე პირებს, რომლებიც რეგისტრირებული არიან თელავის მუნიციპალიტეტის ტერიტორიაზე, ან სოციალურად დაუცველი ოჯახების მონაცემთა ერთიან ბაზაში ირიცხებიან თელავის მუნიციპალიტეტის ტერიტორიაზე და მათი მოქმედი სარეიტინგო ქულა არ აღემატება 150 000-ს.
ონკოლოგიური დაავადების მქონე ბენეფიციარები დაფინანსდებიან ლიმიტირებული ტანხის ფარგლებში, რომლის ოდენობა შეადგენს 2000 ლარს, ლიმიტის გამოყენება შესაძლებელია საჭიროებისამებრ წლის განმავლობაში რამოდენიმეჯერ, სხვადასხვა სახის სამედიცინო (სტაციონალური, ოპერაციული ან/და ამბულატორიაული) მომსახურების ან/და მკურნალობისათვის საჭირო მედიკამენტების დასაფინანსებლად.

ვის შეუძლია ისარგებლოს თელავის მუნიციპალიტეტში, მედიკამენტების დაფინანსების პროგრამით?

ქვეპროგრამით სარგებლობა შეუძლიათ: სოციალურად დაუცველი ოჯახების მონაცემთა ბაზაში რეგისტრირებულ პირებს, რომელთა ფაქტობრივი საცხოვრებელი ადგილია თელავის მუნიციპალიტეტი და მათი მოქმედი სარეიტინგო ქულა არ აღემატება 150 000-ს , თელავუს მუნიციპალიტეტის ტერიტორიაზე რეგისტრირებულ მარტოხელა მშობლებს, 18 წლამდე ასაკის ბავშვებს, მარჩენალდაკარგულებს, მკვეთრად გამოხატული შეზღუდული შესაძლებლობის სტატუსის მქონე პირებს, იძულებით გადაადგილებული პირებს და 1989 წლის 9 აპრილს საქართველოს დამოუკიდებლობის მოთხოვნით გამართული მშვიდობიანი აქციის შედეგად დაზარალებულებს.
როგორც,მუნიციპალიტეტში განმარტავენ: დაფინანსება შესაძლებელია წლის განმავლობაში ერთჯერადად.
დაფინანსების ოდენობა განისაღვრება 300 ლარის ფარგლებში 100%-ით:
წარმოსადგენი დოკუმენტაცია:

რუსეთთან ურთიერთობას ჩვენ აღვადგენთ-სახალხო დიპლომატია ძალას იკრებს!

ინფორმაციას 29 იანვარს ქალაქ ლაგოდეხში ორგანიზაცია „სახალხო დიპლომატია მშვიდობიანი თანაარსებობისათვის“ შექმნის შესახებ tvalsazrisi.ge ავრცელებს.

გავრცელებული ინფორმაციის თანახმად, ორგანიზაცია მიზნად ისახავს,  სახალხო დიპლომატიის გზით ხელი შეუწყოს საქართველოსა და მეზობელ ქვეყნებს შორის ტურისტული, ეკონომიკურ-კულტურული და სასწავლო პროგრამების განვითარებას. “ორგანიზაცია მთავარ მიმართულებად ისახავს რუს და ქართველ ხალხთა შორის  მეგობრული ურთიერთობების აღდგენას და განვითარებას”,- ნათქვმია tvalsazrisi.ge-ს სტატიაში. იქვე მითითებლია,რომ მსგავსი არასამთავრობო ორგანიზაციები საქართველოს სხვა რეგიონებშიც იქმნება.

ლაგოდეხელთა ორგანიზაციის დამფუძნებელ შეკრებაზე სტუმრად იმყოფებოდა „რუს და ქართველ ხალხთა ერთობის ფონდის“  პრეზიდენტი, ვლადიმერ ხომერიკი.

რა პრიორიტეტები გამოიკვეთა, სოფლის მხარდაჭერის პროგრამის ფარგლებში წინანდალში, კისისხევში და ნასამხრალში?

სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით, მოსახლეობასთან კონსულტაციები თელავის მუნიციპალიტეტის სოფლებში – წინანდალში, კისისხევში და ნასამხრალში გაიმართა.

შეხვედრებს თელავის მუნიციპალიტეტის მერი შოთა ნარეკლიშვილი, მერის მოადგილე დავით ბეგიაშვილი,საკრებულოს თავმჯდომარე არჩილ თხლაშიძე და ადგილობრივი ხელისუფლების სხვა წარმომადგენლები ესწრებოდნენ.

მოსახლეობის გადაწყვეტილებით, პროგრამის ფარგლებში განსახორციელებელ პროექტებად დასახელდა:

,,ფრონტერა ისტერნ ჯორჯიას” ყოფილ თანამშრომლებს საქართველოს პროფკავშირების წარმომადგენლები დედოფლისწყაროში შეხვდნენ

 შეხვედრაზე მათი კუთვნილი დავალიენებიბის შესახებ ისაუბრეს და სამომავლო გეგმებზე იმსჯელეს. ითქვა, რომ აუცილებელია საზოგადოებას სწორი და მიუკერძოებული ინფორმაცია მიეწოდოს, რისთვისაც კომპანიის უკვე ყოფილი თანამშრომლები პერმანენტულ აქციეს აანონსებენ.

დედოფლისწყაროელებმა კონგრესმენების წერილების შინაარსი გააპროტესტეს, რომელიც ვითომდა კომპანიის საქმიანობის ხელშეშლაზეა საუბარი.

“ვამბობთ, რომ საქართველოს ხელისუფლება ხელს კი არ უშლის ამერიკულ კომპანიების საქართველოში მოღვაწეობას, არამედ პირიქით მაქსიმალურად ეხმარება , რაზეც კომპანიის საქართველოში 1997 წლიდან მათი საქმიანობაც მეტყველებს.”- ამბობენ აქციის მონაწილეები.