Daily Archives: 01/02/2020

აქცია იყო ყვარლის მუნიციპალიტეტის სოფელ ჩანთლისყურში

20-მდე ადგილობრივმა კერძო პირზე ყოფილი საძოვრების ტერიტორიის გასხვისება გააპროტესტა

აქციის მონაწილეების ინფორმაციით, სასოფლო- სამეურნეო დანიშნულების მიწა, რომელიც ეკონომიკის სამინისტროს ბალანსზე ირიცხებიდა სავარაუდოდ, “ნაციონალურ მოძრაობასთან” დაკავშირებულმა პირებმა უკანონოდ მიითვისეს, თუმცა კონკრეტულად ვინ ამ საკითხზე მოსახლეობა არ საუბრობს.

ადგილობრივების თქმით, აღნიშნული ნაკვეთიდან აღებული პროდუქტი მათი ძირითადი შემოსავლის წყაროა და ამიტომ , მათთვის ტერიტორიის გასხვისება მიუღებელია.

მოსახლეობამ მიმდებარე ტერიტორიაზე 24- საათიანი მორიგეობა დააწესა. შეკრებილები ამბობენ , რომ მეპატრონეს ნაკვეთის დამუშავების საშუალებას არ მისცემენ.

სადაო ტერიტორიის შესახებ ინფორმაცია აქვს ყვარლის მერს. როსტომ სესიაშვილი ამბობს, რომ დეტალებში რამდენიმე დღეში გაერკვევა და ოფიციალურ განცხადებას ამის შემდეგ გააკეთებს.

შაშიანი ვაზისუბნის დამაკავშირებელ ხიდზე ავარიაა

ავტოსაგზაო შემთხვევა მოხდა ცოტა ხნის წინ ვაზისუბნის და შაშიანის დამაკავშირებელ ხიდზე.
როგორც,დაზარალებულმა განაცხადა,საპირისპირო მხარეს მოძრავი “შკოდას” ფირმის ავტომობილი მოცურდა და დაეჯახა.

შემთხვევის შედეგად “შკოდას” 4 -მა მგზავრმა მსუბუქი დაზიანება მიიღო და მათი გადაყვანა საავადმყოფოში საჭირო არ გახდა.

ავტოსაგზაო შემთხვევაზე გამოძიება სსსკ-ის 276-ე მუხლის მეორე ნაწილით დაიწყო.