Category Archives: სპორტი

“ბორჯღალოსნების” 43-კაციანი შემადგენლობა, რომელიც 2019 წლის მსოფლიო თასისთვის მოემზადება, ცნობილია

“ბორჯღალოსნების” სამწვრთნელო შტაბმა ის 43 მორაგბე შეარჩია, რომლებიც 2019 წლის მსოფლიო თასისთვის მოემზადებიან.

რაზმში 26 მორკინალი და 17 ხაზის მოთამაშეა. გაფართოებულ შემადგენლობაში 28 ლეგიონერია, 15 კი დიდი 10-ის კლუბებს წარმოადგენს. გაფართოებულ რაზმში არ არიან, თუმცა მსოფლიო თასისთვის მზადების პერიოდში გუნდთან ერთად მოემზადებიან პერსპექტიული მოთამაშეები – მეორეხაზელი ლაშა ჯაიანი და 9 ნომერი მიხეილ ალანია.

დაგეგმარება და მზადება შეკრებისთვის

ამ ეტაპზე სამწვრთნელო შტაბი შეკრებისთვის მოსამზადებელ სამუშაოებს ახორციელებს, მიმდინარეობს დაგეგმარების პროცესი, რათა შეკრებას გუნდი საუკეთესო ფორმაში და მზად შეხვდეს.

აღსანიშნავია, რომ ქართულ

კლუბებში მოთამაშე მორაგბეები, ნაკრების ბირთვის ადგილობრივი ჯგუფი პერიოდულად იკრიბებოდა “შევარდენზე” და გეგმიურ ვარჯიშებს გადიოდა, ხოლო ლეგიონერებს ამ ეტაპზე სავალდებულო დასვენების პერიოდი აქვთ.

გენერალური რეპეტიცია მსოფლიო თასამდე

მსოფლიო თასისთვის მზადების დასკვნით ეტაპზე, “ბორჯღალოსნები” სამ საკონტროლო თამაშს გამართავს, აქედან ორი თბილისში შედგება და დროის ზუსტად იმ შუალედით, როგორიც მსოფლიო თასზე იქნება.

“თიბისი რაგბის სერიების” ეგიდით, 27 აგვისტოს “მიხეილ მესხზე” რუსეთის, ხოლო 31 აგვისტოს “დინამო არენაზე” შოტლანდიის ნაკრებს ვეთამაშებით, რომელიც პირველი თიერ 1 ნაკრებია, ვინც საქართველოში ჩამოდის. მოსამზადებელი ეტაპის დასკვნითი შეხვედრა 6 სექტემბერს სტუმრად, შოტლანდიასთან “მარიფილდზე” გვექნება.

„თელავმა“ საქართველოს თასზე „ვიტ ჯორჯიას“ მოუგო

საფეხბურთო კლუბმა „თელავმა“ დავით ყიფიანის სახელობის საქართველოს თასის გათამაშებაში სტუმრად მცხეთაში, „ვიტ ჯორჯია“ სამბურთიანი სხვაობით დაამარცხა და ნახევარფინალში პირველად გავიდა.

„კოკა-კოლას თასი“ ლაგოდეხის სკოლას გადაეცა

2018 წლის „კოკა-კოლას თასი“-ს მფლობელი ლაგოდეხის პირველი საჯარო სკოლის გუნდი გახდა. გამარჯვებულ გუნდს “რანი”-ს საფეხბურთო სტადიონზე მუნიციპალიტეტის მერი გულშემატკივრებთან და მშობლებთან ერთად დახვდა. ჯონდო მდივნიშვილმა გუნდს ჩემპიონობა მიულოცა და წარმატებები უსურვა.

თელავის პირველი საჯარო სკოლის კალათბურთელების წარმატება

2018 წლის 22 ივნისს თელავის პირველი საჯარო სკოლის დარბაზში შეხვედრა გაიმართა, რომელიც სკოლის გოგონათა საკალათბურთო გუნდის წარმატებას უკავშირდებოდა. 2017 წლის საქართველოს სასკოლო სპორტული ოლიმპიადის კალათბურთის (3X3 ) გამარჯვებული თელავის პირველი საჯარო სკოლის გუნდი გახდა.

სახალხო დამცველი ზვიად აჭიშვილის და ანზორ გუნაშაშვილის მიმართ მიზანმიმართულ შეტევაზე საუბრობს. უჩა ნანუაშვილის განცხადებით

უკვე რამდენიმე წელია ყოველგვარი საფუძვლის გარეშე ანზორ გუნაშაშვილის და მისი ახლობელების  სახლში სამართალდამცველები ატარებენ ჩხრეკვებს. აპატიმრებენ ადამიანებს, პირველადი განცახდებებით აბრალებენ ტერორიტულ ორგანიზაციასთან თანამშრომლობას  ართმევენ კუთვნილ ნივთებს, ბოლოში კი არ გააჩნიათ მტკიცებულებები  და ბოლოს კი ამას შეცდომას ან გამოკითხვას ეძახიან.

როგორც სახალხო დამცველის აპარატში შემოსული განცხადებიდან ვიცით 2017 წლის  9 მაისს დაიჭირეს  ფიზიკურად გაუსწორდნენ და დაემუქრნენ ანზორ გუნაშაშვილს.  ამავე თვის 16 მაის მის ოჯახში სპეციალური დანიშნულების რაზზმა ძალის გადამეტებით ჩაატარა ჩხრეკვა. როგორც ცნობილია გუნაშაშვილი ანზორი იმ დროს ოჯახში არ იმყოფებოდა. თუმცა მძიმე ფსიქოლოგიური ტრამვა მიიღეს მისმა მცირეწლოვანმა შვილებმა

შესაბამისად სახალხო დამცველს მიაჩნია რომ   ამ ფაქტებს სჭირდება გამოძიება და ყველამ უნდა აგოს პასუხი თავისი დანაშაულის მიხედვით, იქნება ეს პოლიციელი თუ რიგითი მოქალაქე. ამ საკითხთან დაკავშირებით შსს-ს, როგორც პოლიტიკურად ნეიტრალურ ინსტიტუტს უნდა ჰქონდეს ობიექტური მიდგომა. რა თქმა უნდა, ველოდებით გამოძიებას, ველოდებით შესწავლას, ჰქონდა თუ არა ძალის გადამეტებას ადგილი პოლიციელთა მხრიდან – აღნიშნა სახალხო დამცველმა.

Don`t copy text!