გურჯაანის მუნიციპალიტეტის სოფელ ჯიმითში, 33 წლის მამაკაცი სანადირო თოფიდან შემთხვევით გავარდნილ ტყვიას ემსხვერპლა.
თვითმხილველები ამბობენ, რომ ლევან შიშნიაშვილი მეგობართან ერთად სოფლის მიმდებარედ სანადიროდ იმყოფებოდა, სწორედ ამ დროს მოხდა უბედური შემთხვევა. ჭრილობა სიცოცხლისთვის შეუთავსებელი აღმოჩნდა და მამაკაცი ადგილზე გარდაიცვალა.
მომხდარზე გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
