ლაგოდეხის მუნიციპალიტეტის მერი, ახალ საგანმანათლებლო ინიციატივას იწყებს, რომელიც ახალგაზრდებს საკუთარი ქალაქისა თუ სოფლის ისტორიის გაცნობასა და შემოქმედებითი ფორმით გადმოცემას სთავაზობს. პროექტი სახელწოდებით „ამბავი ჩემი ქალაქის/სოფლის ისტორიიდან“ 14-დან 29 წლამდე ახალგაზრდებს შესაძლებლობას აძლევს, გადაიღონ მოკლემეტრაჟიანი ვიდეორგოლები და მონაწილეობა მიიღონ კონკურსში, რომელიც არა მხოლოდ სამახსოვრო სერტიფიკატითა და პრიზებით დასრულდება, არამედ ადგილობრივი მეხსიერების შენარჩუნებასაც ემსახურება.
პროექტის მიზანი მრავალმხრივია:
- ახალგაზრდების მოქალაქეობრივი და კულტურული ცნობიერების ამაღლება;
- ადგილობრივი ისტორიული მემკვიდრეობის აღმოჩენა და დაცვა;
- თემის გააქტიურება საერთო ისტორიების გარშემო;
- ციფრული, პრეზენტაციისა და კომუნიკაციის უნარების გაღრმავება.
რა ტიპის ისტორიები მიიღებს მონაწილეობას?
კონკურსის მონაწილეებს შესაძლებლობა აქვთ, შთაგონება მოძებნონ:
- საკუთარი სოფლის ან ქალაქის ისტორიაში;
- ადგილობრივი ღირსშესანიშნაობებისა თუ ლეგენდების აღწერაში;
- ცნობილი ან მივიწყებული ადამიანების ამბებში;
- უფროსი თაობისგან მიღებულ მონათხრობსა თუ მემკვიდრეობაში.
ტექნიკური დეტალები და კონკურსის მექანიზმი
მონაწილეები უნდა გადაიღონ 1-დან 3 წუთამდე ხანგრძლივობის ვიდეოვლოგი, რომელიც ლაგოდეხის მერიის Facebook გვერდზე განთავსდება.
გამარჯვებული ვიდეოები გამოვლინდება მოწონებების (ლაიქების) რაოდენობით, რაც პროცესს მაქსიმალურად გამჭვირვალეს და ინკლუზიურს ხდის.
დაჯილდოება შემდეგნაირად გადანაწილდება:
პირველი ადგილი – 300 ლარი
მეორე ადგილი – 200 ლარი
მესამე ადგილი – 100 ლარი
გარდა ამისა, პროექტის ყველა მონაწილე მიიღებს სერტიფიკატს და საჩუქრად საკითხავ ლიტერატურას, რაც განათლებასა და მოტივაციას ემსახურება.
რეგისტრაცია ღიაა 10 აგვისტოდან 20 აგვისტოს ჩათვლით, ბმულზე:
👉 https://forms.gle/NNc5kebVfq2jxWxHA
დამატებითი კითხვებისთვის ორგანიზატორები გიწვევენ დაგიკავშირდეთ ნომერზე: 📞 599 85 62 65
ისტორია – ჩვენი იდენტობა
ლაგოდეხის მერიის ეს ინიციატივა კიდევ ერთი მაგალითია იმისა, თუ როგორ შეიძლება ადგილობრივი თვითმმართველობა კულტურული პოლიტიკის საშუალებით ახალი თაობის გააქტიურებასა და განათლებაში ჩართვას ემსახუროს. ვიდეორგოლების ფორმატი თანამედროვე ახალგაზრდებისთვის კომფორტულია და ასევე ხელს უწყობს ციფრული ჰუმანიტარისტიკის განვითარებას რეგიონებში.
თუ თქვენ გაქვთ ამბავი, რომელიც ღირს მოყოლად – ეს შესაძლებლობა სწორედ თქვენთვისაა. გაუზიარეთ საზოგადოებას ის, რაც თქვენს სოფელს ან ქალაქს უნიკალურს ხდის.
მთავარი ამბები კახეთი კი სიმაოვნებით გააშუქებს, ყველა ვლოგს რომელიც კონკურსში მონაწილეობას მიიღებს
