როგორ გამოიყურება ჩინეთში მდებარე 70 მილიარდი დოლარის ღირებულების “აკრძალული“ ქალაქი

ჩინეთმა უკანასკნელ საუკუნეებში ძალინ დიდი გზა გაიარა და ამ პროცესში გახდა მსოფლიო ზესახელმწიფო. მეორე მსოფლიო ომის შემდეგ, რაც მაოს კომუნისტური ჩინეთის იდეოლოგია დაიწყო, ქვეყანამ დაიწყო მკვეთრი მოდერნიზაციის პროცესი. თუმცა ჩინეთის ისტორიის დიდი ნაწილი ცენზურის ქვეშ არის.

მოდერნიზაციის დროს ასობით ისტორიული შენობაც კი დაანგრიეს. თუმცა მიუხედავად ქვეყნის მკვეთრი ტრანსფორმაციისა, ბოლო 600 წლის განმავლობაში აკრძალული ქალაქი უცვლელი სახით შენარჩუნდა.

წარმოგიდგენთ ჩინეთში 70 მილიარდი დოლარის ღირებულების აკრძალულ ქალაქს.

მსოფლიოში ყველაზე დიდი სასახლის კომპლექსი პეკინის შუაგულში მდებარეობს. 980 შენობითა და 8728 ოთახით, ის კალიფორნიის დისნეილენდზე დიდია და 70 მილიარდ დოლარად არის შეფასებული.

2019 წელს აკრძალულ ქალაქს ეწვია 19 მილიონი ადამიანი მთელი მსოფლიოდან, თუმცა საუკუნეების განმავლობაში მისი დიდი ნაწილი დახურული იყო და იქ მოხვედრა მხოლოდ პრივილეგირებულ ადამიანებს შეეძლოთ. ეს დღემდე ასეა, ფართო საზოგადოებისთვის დღესაც მხოლოდ კომპლექსის 60%-ია ხელმისაწვდომი.

კომპლექსი 1420-დან 1912 წლამდე ჩინეთის 24 სხვადასხვა იმპერატორის რეზიდენცია იყო. დღეს მას იუნესკო იცავს და აღწერს როგორც შემორჩენილი ანტიკური ხის სტრუქტურების ყველაზე დიდ კოლექციას.

აკრძალული ქალაქი გარშემორტყმულია 7,9 მეტრი სიმაღლის კედლით. აკრძალული ქალაქის სახურავების დაახლოებით ოთხმოცდაათი პროცენტი ყვითელია.

ორი გამონაკლისი არის ლიტერატურის პავილიონი, რომელსაც აქვს შავი ფილები. აკრძალული ქალაქის სახურავები შექმნილია იმისთვის, რომ ფრინველები არ დასახლდნენ მათზე. ეს მიიღწევა იმით, რომ თითოეული სახურავის მოედანი ციცაბოა. ფილები ასევე დაფარულია, სრიალა მასალით.

როდესაც ჟუ დი იონგლის იმპერატორი გახდა და 1406 წელს დედაქალაქი ნანჯინგიდან პეკინში გადაიტანა, აკრძალული ქალაქის მშენებლობა სწორედ მაშინ დაიწყო. სამშენებლო სამუშაოებს 14 წელი დასჭირდა, პროექტზე მუშაობდა 100 000 ხელოსანი და ერთი მილიონი მუშა.

ქალაქის მშენებლობა დასრულდა 1420 წელს და 1644 წლამდე მინგის დინასტიის დედაქალაქად მსახურობდა. სანამ გლეხთა აჯანყებამ ლი ზიჩენგის მეთაურობით მოქმედი იმპერატორი არ გადააყენა. 1644 წელს აჯანყებულთა არმიამ 30000-კაციანი საბოლოოდ დაიპყრო აკრძალული ქალაქი, მაგრამ მათი მეფობა ხანმოკლე იყო.

1987 წელს აკრძალული ქალაქი იუნესკოს მსოფლიო მემკვიდრეობის დანიშნულების ადგილად დასახელდა და ის ამჟამად ყველაზე პოპულარული ადგილია ჩინეთში.