მთავარი ამბები

საქართველოში „სინოფარმით“ მოსახლეობის ვაქცინაცია დღეიდან იწყება

0

საქართველოში დღეიდან მოქალაქეების „სინოფარმით“ აცრა იწყება.

დაავადებათა კონტროლის ცენტრის ხელმძღვანელი კორონავირუსის საწინააღმდეგო ვაქცინით აიცრა. ამირან გამყრელიძემ ჩინური „სინოფარმი“ რესპუბლიკურ საავადმყოფოში გაიკეთა.

„სინოფარმით“ ვაქცინაცია საქართველოში 18 წელს ზემოთ მსურველ მოქალაქეებს შეუძლიათ. პანდემიის დაწყებიდან დღემდე ქვეყანაში უკვე აცრილია 45 000 მოქალაქეზე მეტი, თუმცა შეიძლება ითქვას, რომ ვაქცინაციის ტემპი დაბალია. იმისთვის, რომ ქვეყანაში პოპულაციური იმუნიტეტი სწრაფად შეიქმნას, მნიშვნელოვანია დღიურად 4-დან 5 ათასამდე ადამიანი აიცრას.

27 აპრილიდან დღემდე სინოფარმით აცრის სურვილი 15 ათასამდე მოქალაქემ გამოთქვა. საერთო ჯამში, ქვეყანაში ამ ეტაპზე “სინოფარმის” 100 000 დოზაა შემოტანილი. ქვეყანა ახლა „ფაიზერის“, „ასტრაზენეკისა“ და „სინოფარმის“ დამატებით დოზებს ელოდება.

მეტი

მსგავსი სიახლეები

Back to top button
Close