ყვარლის მუნიციპალიტეტის მერი გივი ზაუტაშვილი, მოადგილეებთან და ადგილობრივი თვითმმართველობის სხვა წარმომადგენლებთან ერთად, სოფელ საბუესა და ქალაქ ყვარელში საგზაო ინფრასტრუქტურის სამუშაოებს გაეცნო.
ქალაქ ყვარელში, დურუჯის ქუჩაზე დაგეგმილია 2 350 მეტრი ასფალტის საფარის დაგება და რკინა-ბეტონის სანიაღვრე არხების მოწყობა. სამუშაოების ღირებულება 1 239 790 ლარს შეადგენს.
სოფელ საბუეში, “ფიქალებთან” მისასვლელ გზაზე დაიგება 1 384 მეტრი ასფალტის საფარი და მოეწყობა რკინა-ბეტონის სანიაღვრე არხები. პროექტის ღირებულება 501 910 ლარს შეადგენს.
საგზაო ინფრასტრუქტურის მიმდინარე სამუშაოები რეგიონებში განსახორციელებელი პროექტების ფონდიდან ფინანსდება.
