ყვარელში ღვინის სოფელი შენდება

ყვარელში, მევენახეობის სპეციფიკურ ზონაში „ქინძმარაული“, „ღვინის სოფელი“ შენდება. პროექტის საინვესტიციო ღირებულება ჯამში 3.5 მილიონი დოლარია.
აღსანიშნავია, რომ პროექტს კომპანია 7S ახორციელებს. „ღვინის სოფელი“ 5 ჰექტარზე გაშენდება და 50 სახლს გააერთიანებს. თითოეულ სახლს ექნება 400-500 კვ.მ. ფართობის საკუთარი ვენახი.

როგორც „ღვინის სოფლის“ იდეის განმახორციელებელ კომპანია  7S-ში განმარტავენ, პროექტის მთავარი კონცეფციაა, შეიქმნას თან ამედროვე არქიტექტურისა და ტრადიციული, ეთნო კომპონენტების ნაზავი. სწორედ ამ ორ რამეს აერთიანებს „ღვინის სოფელი“.
ცნობისთვის, პროექტის პირველი ეტაპის მშენებლობა, დაახლოებით, წელიწად-ნახევარში დასრულდება.