წინდები, სახატავი ფუნჯი, საწვიმარი, ტელეფონის დამტენი, ყურსასმენი, საფულე, საათი და 300-ამდე ძვირად ღირებული მოპარული ტელეფონი… ჰოლივუდის ფილმის სცენარს არ გიყვებით! ეს არის უპრეცედენტო ძარცვის ამბავი საქართველოში.
მუსიკალური ფესტივალის დაწყებისთანავე, 24 ივნისის ღამეს, სოციალურ ქსელში დაიწერა უამრავი პოსტი, სათაურით – მომპარეს, დავკარგე, არ ვიცი, სადაა. ფესტივალი, რომელიც სამი წლის შემდეგ პირველად ჩატარდა, მსმენელთა ნაწილისთვის პოლიციის განყოფილებაში დასრულდა.
მარიამ ხაზალია ერთ-ერთია იმ დაზარალებულთა შორის, რომელიც მობილურს კვლავ ეძებს…
აღსანიშნავია, რომ Tbilisi Open Air / AlterVision-მა “ფეისბუქის” ოფიციალურ გვერდზე დაკარგული ნივთების ჩამონათვალი გაავრცელა, რომლებსაც მფლობელს დაუბრუნებენ. მათ შორის არის მობილური ტელეფონებიც.
