საქართველოდან საფრანგეთში ღვინის ექსპორტი გასამმაგდა. ოფიციალური მონაცემებით, წელს 10 თვეში საფრანგეთში 984.48 ათასი დოლარის ქართული ღვინო გავიდა, მაშინ როდესაც 2021 წლის 10 თვეში ეს მაჩვენებელი 296.6 ათასი დოლარი იყო.
5 წლიან ჭრილში საფრანგეთში ყველაზე მეტი ღვინო სწორედ წელს გავიდა. მანამდე ყველაზე დიდი მოცულობით ქსპორტი 2018 წლის 10 თვეში განხორციელდა და 468 ათასი დოლარი შეადგინა.
ღვინის ექსპორტი საფრანგეთში
• 2018 წელი – 468.2 ათასი დოლარი
• 2019 წელი – 251.63 ათასი დოლარი
• 2020 წელი – 290.83 ათასი დოლარი
• 2021 წელი – 296.64 ათასი დოლარი
• 2022 წელი – 984.48 ათასი დოლარი
წელს, 10 თვეში ღვინის ექსპორტი ჯამში 6% არის გაზარდილი. 10 თვეში საერთაშორისო ბაზრებზე 200.8 მლნ დოლარის ქართული ღვინო გავიდა. მთავარი საექსპორტო ბაზარი ისევ რუსეთია, რომელზეც მთლიანი ექსპორტის 64% მოდის (128.9 მლნ დოლარი)
ქართული ღვინის TOP- 10 საექსპორტო ბაზარი / 2022 წლის 10 თვე
1. რუსეთი – 128.9 მლნ დოლარი
2. პოლონეთი – 12.3 მლნ დოლარი
3. ჩინეთი – 10.5 მლნ დოლარი
4. უკრაინა – 9.14 მლნ დოლარი
5. ყაზახეთი – 8.15 მლნ დოლარი
6. ბელარუსი – 4.7 მლნ დოლარი
7. აშშ – 4.46 მლნ დოლარი
8. ლატვია – 3.8 მლნ დოლარი
9. გერმანია – 2.9 მლნ დოლარი
10. ლიეტუვა – 1.8 მლნ დოლარი
