ლონდონის საფონდო ბირჟაზე საქართველო სულ სამი კომპანიის – “საქართველოს ბანკის”, “თიბისი ბანკის” და “საქართველოს კაპიტალის” მეშვეობით არის წარმოდგენილი. გასული კვირის განმავლობაში მათი აქციების ფასის ცვლილება ასეთი იყო:
“საქართველოს ბანკის ჯგუფის” (BGEO) აქციების ღირებულება ერთკვირიან ჭრილში 5.26%-ით გაიზარდა; ხოლო გასულ თვესთან შედარებით ზრდის მაჩვენებელი +28%-ს შეადგენს. აღნიშნული ცვლილების შედეგად კომპანიის საბაზრო კაპიტალიზაცია 885 მილიონ გირვანქა სტერლინგამდე გაიზარდა.
“თიბისი ბანკის ჯგუფის” (TBCG) აქციების ღირებულება 8.27%-ით გაიზარდა; ხოლო ერთთვიან ჭრილში ზრდის მაჩვენებელი 36%-ს აღწევს. TBC PLC-ის საბაზრო ღირებულება ამჟამად 910 მილიონ გირვანქას შეადგენს.
“საქართველოს კაპიტალის” (CGEO) აქციების ფასი 1.79%-ით შემცირდა; გასულ თვესთან შედარებით კი ზრდა 36%-ია. Georgia Capital-ის საბაზრო კაპიტალიზაცია ამჟამად 307 მილიონს აღწევს.
