მთავრობა სასოფლო ტექნიკის შეძენისთვის ფერმერების თანადაფინანსების პირობებს ცვლის

მთავრობა სასოფლო ტექნიკის შეძენისთვის ფერმერების თანადაფინანსების პირობებს ცვლის.

მთავრობის ახალი დადგენილებით, ერთ ბენეფიციარზე მარცვლეულის მოსავლის ასაღებად განკუთვნილი კომბაინის შესაძენად თანადაფინანსების წილი 30%-დან 40%-მდე გაიზარდა, თანხის ლიმიტი კი, არაუმეტეს 150 000 ლარიდან 200 000 ლარამდე.

სხვა სასოფლო-სამეურნეო ტექნიკის შემთხვევაში არაუმეტეს 150 000 ლარის ტექნიკის შეძენისას ღირებულების 40% დაფინანსდება. წინა დადგენილებით თანადაფინანსება არაუმეტეს 50% იყო.

ხელის ჩაის საკრეფი ტექნიკის შემთხვევაში დაფინანსება უცვლელია და შეადგენს არა უმეტეს 50%-ს, არაუმეტეს 500 ლარისა.

2023 წლის სახელმწიფო ბიუჯეტის პროექტით, მოსავლის ამღები ტექნიკის თანადაფინანსების პროექტისთვის 7 მლნ ლარია გათვალისწინებული.