EastFruit-ის კვლევის თანახმად, მიმდინარე წლის 22 ივლისს წითელი პომიდვრის საშუალო საბითუმო ფასმა საქართველოში ყველა დროის მაქსიმუმს მიაღწია. წინა წელთან შედარებით, ფასები 170%-ით მეტია.
ამჟამად, 1 კილოგრამი პროდუქტის საშუალო ღირებულება 2 ლარს შეადგენს, მაშინ, როცა გასულ წლის ამავე პერიოდში პომიდორი 0,80 ლარი ღირდა. ფასების მკვეთრი ზრდა 2022 წლის სეზონის ნაადრევ დაწყებაზე მიანიშნებს.
პომიდვრის მწარმოებლები დასავლეთ საქართველოში კვლავ ცივ ტემპერატურაზე ჩივიან. ეს კი სავარაუდოდ, შეაფერხებს ღია გრუნტში მოსავლის აღების დაწყებას და მაღალი ფასებიც შესაძლოა, ჩვეულებრივზე დიდხანს დარჩეს.
თუმცა არიან ფერმერები, ვისაც პოზიტიური მოლოდინები აქვთ ფასებთან დაკავშირებით. მათ მიაჩნიათ, რომ ყვავილოვან კომბოსტოს, რომელსაც წინა სეზონი წარმატებული ჰქონდა და ქართველი მევენახეებისთვის პომიდვრის ალტერნატივას წარმოადგენს, პომიდვრის მწარმოებლების მნიშვნელოვანი ნაწილის მოზიდვა შეუძლია. სხვები ამტკიცებენ, რომ პომიდორს გასულ სეზონზეც კარგი ფასი ჰქონდა, ამიტომ ბევრი კომბოსტოზე არ გადავიდოდა. ამრიგად, ახალი გარე სეზონის მოლოდინი არაერთგვაროვანია.
