ახმეტის მუნიციპალიტეტის მერიის ჯანდაცვის, ბავშვის უფლებათა დაცვისა და სოციალურ საკითხთა სამსახურის პროგრამის ფარგლებში 2024 წლის მაისის თვეში დახმარება გაეწია 407 ბენეფიციარს, რაზეც ჯამში- 102 093,5 ლარი გაიხარჯა.
” ეკონომიკურად გაჭირვებულ და სოციალურად დაუცველ მოქალაქეთა სტაციონარული მკურნალობის, ოპერაციისა და ლაბორატორიული გამოკვლევების დაფინანსება, აგრეთვე, ცერებრალური დამბლით დაავადებულ და სხვა ფსიქომოტორული და მოტორული პათოლოგიის მქონე ბავშვთა რეაბილიტაციისათვის საჭირო პროცედურები დაუფინანსდა 98 ბენეფიციარს – 49 035 ლარით;
დიალიზის სახელმწიფო პროგრამით მოსარგებლე, ონკოლოგიური (კეთილთვისებიანი სიმსივნის დიაგნოზის შემთხვევაში ასევე 18 წლამდე ასაკის ბავშვები), სისტემური წითელი მგლურას და გაფანტული სკლეროზის მქონე, აგრეთვე, ფსიქოტროპული მედიკამენტების მიმღები პირებისთვის ( 26 ბენეფიციარი) დაფინანსდა 11 990 ლარის ღირებულების მედიკამენტები;
,,განსაკუთრებულ შემთხვევებში სოციალური პაკეტით განსაზღვრული დახმარების მსურველ პირთა განცხადებების განმხილველი კომისიის „ დასკვნის საფუძველზე დაფინანსდა 4 ბენეფიციარი – 2 500 ლარით;
პირველი და მეორე ბავშვის შეძენის შემთხვევაში დაფინანსდა 3 ოჯახი - 700 ლარის ოდენობით;
პირველი ჯგუფის უსინათლოთათვის განკუთვნილი დახმარება გაიცა 1 ბენეფიციარზე – 350 ლარი;
დიალიზის სახელმწიფო პროგრამით მოსარგებლე 10 პირს დაუფინანსდა ტრანსპორტირების ხარჯი – 1 500 ლარით;
მარტოხელა მშობლის სტატუსის მქონე პირებს, სოციალურად დაუცველ და მრავალშვილიან ოჯახებს (9 ბენეფიციარი) - დაუფინანსდა ელექტროენერგიის და ბუნებრივი აირის გადასახადი – 1 800 ლარი;
ლოგინსმიჯაჭვული და სხვადასხვა პათოლოგიების გამო მუდმივად პამპერსით მოსარგებლე 181 პირს დახმარება გაეწია – 18 100 ლარის ოდენობით;
დიაბეტით და სხვა ფერმენტოპათიით დაავადებულ 18 წლამდე ბავშვთა შესაბამისი კვების პროდუქტების შესაძენად დახმარება გაეწია – 5 ბენეფიციარს – 750 ლარის ოდენობით;
საქართველოს ტერიტორიული მთლიანობისთვის ბრძოლის მონაწილე შშმ ვეტერანთა დასვენებისა და რეაბილიტაციისთვის დახმარება გაეწია 1 პირს – 700 ლარის ოდენობით;
მეორე მსოფლიო ომის 1 ვეტერანს გაეწია ფულადი დახმარება - 500 ლარის ოდენობით;
საქართველოს ტერიტორიული მთლიანობისთვის ბრძოლაში დაღუპულ მებრძოლთა ოჯახებს (3 ოჯახი) გაეწია დახმარება – 1 500 ლარის ოდენობით;
შეზღუდული შესაძლებლობის მქონე პირებისთვის (18 წლამდე) სააღდგომო კალათი – 39 ბენეფიციარი – 7601,1 ლარის ოდენობით;
უდედმამო ბავშვებისთვის (18 წლამდე) სააღდგომო კალათი – 6 ბენეფიციარი – 1169,4 ლარის ოდენობით;
მაღალმთიან რეგიონში (თუშეთში) მცხოვრები ოჯახებისთვის სააღდგომო კალათი – 20 ბენეფიციარი – 3898 ლარის ოდენობით”,- აღნიშნავენ ახმეტის მერიაში.
