კატარში მიმდინარე მსოფლიო ჩემპიონატზე ამერიკელი სპორტული ჟურნალისტი გრანტ უოლი გარდაიცვალა. ამის შესახებ Associated Press-ი იტყობინება.
უოლი არგენტინისა და ნიდერლანდების მატჩზე მუშაობდა, რა დროსაც ის ცუდად გახდა და გონება დაკარგა. ექიმების განცხადებით, 49 წლის ჟურნალისტის გარდაცვალება გულის გაჩერებამ გამოიწვია.
ჟურნალისტის გარდაცვალების ფაქტი აშშ-ის ფეხბურთის ფედერაციამაც დაადასტურა. კატარში მიმდინარე მსოფლიო ჩემპიონატი ვალის კარიერაში რიგით მერვე იყო. რამდენიმე დღის წინ მან განაცხადა, რომ კატარში სამედიცინო კლინიკაში იმყოფებოდა.
