თელავის მუნიციპალიტეტის საკრებულოს თავმჯდომარის მოადგილედ ალექსანდრე შათირიშვილი აირჩიეს.
შათირიშვილის კანდიდატურას საკრებულოს 23-მა წევრმა დაუჭირა მხარი, ხოლო ოთხმა დეპუტატმა კენჭისყრაში მონაწილეობა არ მიიღო. მანამდე ალექსანდრე შათირიშვილს ფრაქცია „ქართული ოცნება-დემოკრატიული საქართველოს“ თავმჯდომარის თანამდებობა ეკავა.
წარმომადგენლობითი ორგანოს თავმჯდომარის მოადგილის თანამდებობა მას შემდეგ გახდა ვაკანტური, რაც გიგა ორკოდაშვილი დაკავებული პოსტიდან გადადგა.
გარდა ამისა, საკრებულომ 2 ოქტომბრის ადგილობრივი თვითმმართველობის არჩევნებთან დაკავშირებით სააგიტაციო მასალების გასაკრავად (გამოსაფენად) ადგილები განსაზღვრა, რაც რიგგარეშე სხდომის მოწვევის უმთავრესი მიზეზი იყო
