ირაკლი ქადაგიშვილი : შიდა ტურიზმი რეგიონში უკვე აქტიურია

კახეთის სახელმწიფო რწმუნებულის, განცხადებით კახეთში შიდა ტურიზმი უკვე აქტიურადაა წარმოდგენილი. ამის შესახებ ირაკლი ქადაგიშვილმა „მაესტროს“ ეთერში განაცხადა.

მისი თქმით, კახეთში სრული დატვირთვა აქვს წინანდალს, ლოპოტას, კაჭრეთს.

„კახეთში შიდა ტურიზმი უკვე ძალიან აქტიურ ფაზაშია. სრული დატვირთვა აქვს ისეთ კურორტებს, როგორიც არის წინანდალი, ლოპოტა, კაჭრეთი, ყველა სასტუმროსთან დაკავშირებით შიდა ტურიზმზე ძალიან დიდი მოთხოვნაა. იმის გამო, რომ საერთაშორისი მიმოსვლა ვერ ხერხდება, ბევრი ჩვენი თანამოქალაქე, რომელიც უცხოეთში მიემგზავრებოდა, ახლა საქართველოს სხვადასხვა კუთხეში ჩადის და რა თქმა უნდა, მათ მიერ არჩეულ პრიორიტეტულ მიმართულებაში ერთ-ერთი კახეთია. ძალიან ბევრი ადგილია კახეთში, სადაც ტურისტების მისაღებად საუკეთესო პირობაა შექმნილი“, – აღნიშნა კახეთის რწმუნებულმა.

მისი თქმით, ტურისტების დასახვედრად თუშეთშიც აქტიური მზადება მიმდინარეობს.

15 ივნისიდან საქართველოში შიდა ტურიზმი გაიხსნა.

თუ გინდა გაიგო რა ხდება შენს სოფელში შენს ქალაქში შენს რეგიონში. გქონდეს სწრაფაი და სანდო ინფორმაცია იმეგობრე ჩვენთან და მოიწონე ჩვენი გვერდი „მთავარი ამბები კახეთიდან/mak.ge“ ან გაწევრიანდი ჩვენს ჯგუფში „მთავარი ამბები კახეთიდან“